Paglisan

 Isinulat ni: Ronald S. Salvador

Sumikat na ang araw pero wala ka pa,

Hindi ko alam kung anong nangyari,

Pero sinigurado mo na tayo’y wala na.

Pinilit kong tanggapin, pero puso ko’y di kinaya.

Mahigpit na yakap mo, siyang tanging sinisinta.

Ibinubulong ng isip, at dinadama ng puso.

Pagmamahal na dati’y sakin, pero ngayon ay naglaho.

Parang kahapon lang nung sabihin mo sakin,

Na tanging ako lang ang iyong iibigin.

Bakit nga ba iniwan, umalis ng walang paalam.

Bakit nga ba naglaho, pagmamahal na tila walang hanggan.

Di ko man ninais pero sadyang binitawan.

Pagmamahal mo na noon ay akin, pero ngayon ay lumisan.

HInihiling sa maykapal, sanay muling magtagpo.

Pagmamahalan natin, bakit biglang naglaho?

Puso ko’y sayo, pero bakit iniwan?

Pighati ng nakalipas, sana’y di na balikan.